MANILA, Philippines – Lampas P1.23 bilyon na ang pinsala sa agrikultura sa bansa dahil sa El Niño weather phenomenon.
Sa huling situation report ng National Disaster Risk Reduction and Management Council (NDRRMC) nitong Lunes, Marso 11, ang Western Visayas ang pinakanapuruhan ng El Nino sa P678.7 million na agricultural damage; sinundan ng Mimaropa sa P319.7 million; Cagayan Valley sa P180.4 million, Ilocos sa P54.4 million; Calabarzon sa P2.75 million at Zamboanga Peninsula sa P717,527.
Kabuuang 29,409 magsasaka at mangingisda naman ang apektado habang nasa kabuuang 26,731.4 ektarya ng taniman ang naapektuhan.
Sa kabuuang apektadong crop area, 11,276.32 ektarya ang klasipikado bilang “totally damaged” o wala nang pag-asang makarekober sa epekto ng El Nino, habang 15,455.08 ektarya ang partially damaged. RNT/JGC
