Manila, Philippines – Sa isang interview ni Alden Richards, sinabi niya na nakaranas siya ng matinding depreyon noon.
Feeling daw niya that time ay wala na siyang silbi at hindi na siya kailangan ng entertainment industry na naging tahanan na niya sa loob ng 13 taon.
Sabi ni Alden, “Parang naabutan lang ako ng maraming problema during that time.
“Kasi nagpatung-patong na siya from family, to business, to career. More on personal. Pero hindi ko na po siya ise-share kasi naayos na naman na siya,”
Sa tanong na kung bakit niya nasabi na parang wala na siyang silbi, ang sagot ni Alden, “Kasi ganu’n naman minsan, e. Kapag depressed tayo, minsan we end up na parang self-pity, na napupunta tayo sa ganu’ng part ng buhay natin.
“And for the first time after a decade po sa buhay ko, sa mundo ng showbiz, nakaramdam po ako ng ganu’n.
“Parang I’m feeling worthless, na parang hindi na ako kailangan sa industry, na itong mga taong nakatrabaho ko, nakakasama ko, including GMA, they helped me realize na ‘mali ang iniisip mo.’
“Ang sarap lang sa feeling na may mga tao talaga na darating sa buhay mo na talagang makakatulong para maka-recover ka sa mga pinagdaraanan mo.
“But good thing naman po, I was able to get over that. And hindi po ako napunta du’n sa…hindi ako nagbisyo o nagdroga, whatsoever. Buti na lang po,” aniya pa.
Sa dami ng trabaho mo, bakit naisip mo pa na wala kang silbi?
“Kasi dumating rin po ako sa point na wala akong trabaho for three months. Pero baka feeling ko lang yun kasi during that time siguro I was just ungrateful.
“Pero buti na lang talaga naibangon ko pa rin yung sarili ko after that kasi sometimes, everyone of us we go through something dark in our lives pero at the end of the day tayo lang ang tutulong sa mga sarili natin.” Rommel Placente
