Magsisilbing flag-bearer ng Philippine team sina Alex Eala at Bryan Bagunas sa pagbubukas ng seremonya ng 33rd Southeast Asian Games sa Disyembre 9.
Ibinunyag ng Philippine Olympic Committee (POC) na ang world-ranked tennis player at Alas volleyball star ang tatayong pinuno ng delegasyon ng Pilipinas bilang flag bearers sa opening rites sa Rajamangala National Stadium.
Si Eala ay isa sa mga fastest-rising young stars ng Philippine sports matapos ang kanyang performance sa WTA Tour at Grand Slams, habang si Bagunas ay bahagi ng Alas Pilipinas squad na bumihag sa mga fans sa katatapos na FIVB Men’s World Championships.
“Aside sa popularity, Alex and Bryan have made impacts in the global sports community and that makes them the best choice to carry the flag in the SEA Games,” ani POC president Abraham Tolentino sa pagpili kina Eala at Bagunas.
