MANILA, Philippines – Nakaalis na ng bansa si dismissed Bamban, Tarlac Mayor Alice Guo nitong weekend.
Ito ang sinabi ni Senador Risa Hontiveros nitong Lunes, Agosto 19.
Aniya, umalis ng Pilipinas si Guo noong Sabado at pumasok sa Kuala Lumpur, Malaysia nang sumunod na araw.
Ipinresenta ng senador ang patunay ng umano’y pagpasok ni Guo sa Malaysia, kasabay ng sesyon ng Senado.
Mula sa Malaysia ay nagtungo umano si Guo sa Singaore at nakipagkita sa kanyang ama, at inang Chinese, kasama ang kapatid na si Wesley.
Matapos nito ay lumipad naman ang mga ito nang sama-sama patungong China.
“Who allowed this travesty to happen? Sino ang may kagagawan nito? Hindi makakaalis si Alice Guo kung walang tumulong sa kanya na mga opisyales ng pamahalaan. Para tayong ginisa sa sarili nating mantika,” ani Hontiveros. RNT/JGC
