MANILA, Philippines- Sinabi ni Bureau of Immigration (BI) commissioner Norman Tansingco nitong Martes na napaulat na nasa Jakarta, Indonesia si dismissed Bamban, Mayor Alice Guo hanggang nitong Agosto 26.
“Based on the latest report sa akin kagabi, si Alice Guo is in Jakarta,” pahayag ni Tansingco sa Senate panel nang tanungin hinggil sa kinaroroonan ng dating alkalde.
Sa imbestigasyon ng Senate justice and human rights subcommittee sa umano’y pagtakas ng pinatalsik na alkalde, sinabi ng kapatid nitong si Shiela Guo na umalis sila ng mga kapatid na sina Alice at Wesley, sa bansa sa pamamagitan ng pagsakay sa ilang bangka. RNT/SA
