MANILA, Philippines- Arestado si Daraga Mayor Carlywyn Baldo sa Camalig, Albay nitong Martes ng umaga dahil sa pagpatay kay Ako Bicol Representative Rodel Batocabe at kanyang police aide noong 2018, base sa mga pulis.
Sa police report, sinabi ng Philippine National Police – Criminal Investigation and Detection Group (CIDG) na isinilbi ng mga awtoridad ang arrest warrant kay Baldo bandang alas-12:45 ng madaling araw.
Insistihan si Baldo ng kanyang legal counsel at dinala sa CIDG Albay office para sa dokumentasyon at wastong disposisyon, base sa CIDG.
Nag-isyu ang Regional Trial Court – National Capital Region kamakailan ng bagong arrest warrant laban kay Baldo, kabilang sa limang akusado, para sa two counts ng murder na walang inirekomendang piyansa.
Noong Disyembre 2018, pinagbabaril si Batocabe at kanyang police aide na si Master Sergeant Orlando Diaz, habang dumadalo sa isang gift-giving event sa Daraga.
Bagama’t nagpalabas na ng inisyal na arrest warrant, ginawaran si Baldo ng pansamantalang kalayaan matapos payagang makapagpiyansa noong Setyembre 2019. RNT/SA
