Home NATIONWIDE Alvarez nagpasalamat kay Romualdez sa mga panibagong panawagan sa M’danao separation

Alvarez nagpasalamat kay Romualdez sa mga panibagong panawagan sa M’danao separation

MANILA, Philippines – Sinabi ni Davao del Norte 1st District Representative Pantaleon Alvarez na ang paghawak ni Speaker Martin Romualdez sa patuloy na people’s initiative ay nagdagdag ng apoy sa panibagong panawagan para sa paghiwalay ng Mindanao sa Pilipinas.

Sa isang online na panayam, sinabi ni Alvarez na matagal na niyang adbokasiya ang magkaroon ng independyenteng Mindanao “kung saan maaari tayong maging malaya at maaari nating ilarawan ang ating sariling kapalaran bilang isang bansa.”

“Honestly, nagpapasalamat din ako kay Martin Romualdez na dahil sa mga ginawa niya, ito ay naiintindihan muli. Nabuhay,” ani Alvarez.

 “‘Yung mga nangyayari ngayon gaya ng hindi maayos na people’s initiative at itong ginagawa niya sa budget sa Mindanao, gaya halimbawa rito sa Davao Region. Ako lang dito sa distrito ko, ang laki po ng tinanggal na mga infrastructure projects na prinogram ng DPWH (Department of Public Works and Highways) after Regional Development Council consultation.”

Sinabi ni Alvarez, na nagsilbing speaker din noong mga unang taon ng administrasyong Duterte, na ang kanyang distrito ay nakaranas ng ilang pagguho ng lupa at pagbaha dahil nakansela ang mga proyekto sa pagkontrol ng baha noong nakaraang taon at ngayong taon.

Matatandaang binanggit ni dating Pangulong Rodrigo Duterte, na naging vocal critic ni Pangulong Ferdinand Bongbong Marcos nitong mga nakaraang araw, noong Martes ng gabi ang ideya ng paghiwalay ng Mindanao sa Pilipinas sa pamamagitan ng proseso batay sa pangangalap ng mga lagda. RNT

Previous articleUN Rapporteur makikipagpulong sa Malakanyang
Next articlePimentel: Pilot test ng e-lotto itigil!