MANILA, Philippines – Makakaapekto ang northeast monsoon o amihan sa hilagang Luzon at easterlies naman sa nalalabing bahagi ng bansa.
Ayon sa PAGASA, magdadala ng maulap na kalangitan na may mahihinang pag-ulan ang amihan sa Cagayan Valley at Apayao.
Bahagyang maulap hanggang sa maulap na kalangitan na may isolated light rains naman ang mararanasan sa Ilocos Region, nalalabing bahagi ng Cordillera Administrative Region, at Aurora dahil pa rin sa amihan.
Ang Metro Manila at nalalabing bahagi ng bansa ay magkakaroon ng bahagyang maulap hanggang sa maulap na kalangitan na may isolated rain showers o thunderstorm dahil sa easterlies at localized thunderstorm. RNT/JGC
