MANILA, Philippines – Magdadala ng mga pag-ulan sa Luzon ang northeast monsoon o Amihan, at shear line ngayong Martes, Enero 7.
Ayon sa PAGASA, ang Amihan ay magdadala ng maulap na kalangitan na may mga pag-ulan sa Cagayan Valley, Cordillera Administrative Region, at Aurora.
Samantala, ang Quezon, Camarines Norte, Camarines Sur, at Catanduanes ay makararanas ng maulap na kalangitan na may kalat-kalat na pag-ulan at isolated thunderstorms dahil sa shear line.
Bahagyang maulap hanggang sa maulap na kalangitan na may isolated light rains ang aasahan sa Ilocos Region at nalalabing bahagi ng Central Luzon.
Habang ang Metro Manila at nalalabing bahagi ng Luzon ay magkakaroon ng bahagyang maulap hanggang sa maulap na kalangitan na may isolated rain showers o thunderstorms dahil sa localized thunderstorms. RNT/JGC
