Ganito isinalarawan ni Manila Rep. Benny Abante ang kontrobersiyal na anti-adolescent pregnancy bill.
Sinuportahan ni Abante ang naging hakbang ni Cagayan de Oro Rep Rufus Rodriguez na una nang naghain ng House Resolution No.2174 na naguudyok sa Kamara na bawiin ang naipasang House Bill (HB) No.8910 o ang An Act providing for a national policy in preventing adolescent pregnancies, institutionalizing social protection for adolescent parents.
Mayroon din kaparehas na panukala sa Senado na ngayon ay patuloy na pinagdedebatihan.
“So I believe that these two, the Senate bill and the HB No.8910 which was passed on third reading, I believe this to be garbage legislation that should not even be passed in this august chamber,” pahayag ni Abante.
Sinabi ni Abante na maghanain din sya ng kaparehas na mosyon katulad ng naisumite na ni Rodriguez upang mabawi ang panukala at mapag aralan pang mabuti.
“I was told that this bill was given to the Committee on Youth, when it should also be given to the Committee on Education,” ani Abante.
Ang panukala ay naging kontrobersiyal dahil sa ilang probisyon na naghihikayat para sa Comprehensive Sexuality Education (CSE). Gail Mendoza
