Manila, Philippines- Naglabas ang Global South World, isang international news website ng listahan ng top 20 most influential Pinoy actors on Instagram.
Naging basehan nila ang reach ng nasabing celebrities sa social media.
Mula sa 60 ay na-trim down ang listahan sa top 20.
Kinabog ng mag-asawang Maine Mendoza at Arjo Atayde ang Kapuso Primetime couple na sina Dingdong Dantes at Marian Rivera na hindi napabilang sa roster ng top 20.
Nakuha ni Arjo ang ikalawang spot samantalang ang original Dubsmash queen na si Maine ay naokupa ang ikatlong puwesto.
Speaking of Arjo, wagi rin ang magaling na aktor bilang best actor sa katatapos na ContentAsia 2024 na ginanap sa Taipei, Taiwan.
Nanalo siya sa kanyang makahulugang pagganap sa seryeng “Cattleya Killer.”
Nanguna naman sa listahan ang popular YouTuber, social media influencer at actress na si Zeinab Harake.
Nasa ikaapat na puwesto naman ang Kapamilya actor na si Richard Gutierrez na sinundan ni Alex Gonzaga sa ikalimang puwesto.
Number 6 naman si Chie Filomeno samantalang nasa ika-7th spot si Vhong Navarro.
Nasa ikawalong puwesto naman si Slater Young samantalang nakopo ni Miles Ocampo ang ikasiyam na posisyon.
Number 10 naman si Alexa Ilacad, number 11 si Andie Eigenmann at number 12 si Kim Chiu.
Pasok din sa number 13 si Jericho Rosales na sinundan ni Julia Montes at number 14.
Nakahabol naman si Jake Ejercito sa ikalabinlimang puwesto. Archie Liao
