Articles of impeachment vs VP Sara, dumating na sa Senado habang nagkakagulo

MANILA, Philippines – Sa gitna ng kaguluhan na nangyayari sa Senado nitong Miyerkoles ng gabi, dumating ang Articles of Impeachment laban kay Sara Duterte matapos aprubahan ng Kamara ang impeachment complaint laban sa bise presidente.

Dinala sa Senado sa pamamagitan ng convoy mula sa House of Representatives ang Articles of Impeachment sa kabila ng tensyon sa paligid ng Senado.

Nagresulta ang botohan sa plenaryo ng Kamara sa 257 pabor, 25 tutol, at siyam na abstention para sa impeachment ni Duterte.

Noong 2025, nakakuha rin ng 215 boto ang Kamara para sa impeachment ni Duterte ngunit kalaunan ay idineklarang unconstitutional ng Supreme Court of the Philippines ang naturang impeachment.

Sinimulan naman ng House justice committee ang mga pagdinig kaugnay ng impeachment noong Marso 25, na hindi dinaluhan ni Duterte. RNT/ Ernie Reyes