Manila, Philippines- Nakausap namin ang Star For All Seasons na si Vilma Santos bago pa man mag-umpisa ang preskon ng Uninvited movie niya produced by Mentorque Productions at Project 8 Projects Directed by Dan Villegas.
Natanong ni Yours Truly ang Star For All Seasons kung ano ang sikreto ng isang Vilma Santos coz up to now ay mukhang bata pa rin ang kanyang looks at tipong hindi tumatanda ang kanyang anyo from head to foot?
“Tumatanda rin naman. Hindi naman puwede na hindi, lahat tayo ay hindi tumatanda, Temers.
“Ang atin lang…sometimes it’s important also that we take care of yourself and up to now I do exercise, eating in moderation and when you are contented sa puso, it will come out sa face, I guess.
“And that is the most important thing and I thank God for all the blessings and for that, I am very happy kaya siguro kahit paano nakikita sa mukha kahit tumatanda rin tayo lahat.”
Another tanong ni Yours Truly, paano mo naman name-maintain ang kinis ng kutis mo at magandang mukha at sexy body?
“Sa sexy body, sabi ko nga, nag-e-exercise pa rin ako. Sanay na ang katawan ko dun. Pag di ako nag-exercise magkakasakit ako.
“And then yung mukha nasa genes na rin siguro Temers. Kilala mo naman kami kay Mama at Papa pa noon, magaganda talaga yung mga balat. Baka namana namin.
“And for that we are very thankful.”
Another question. Balitang-balita na may mga kumukuha pang mga movie producers sa iyo pero mas pinili mo itong Uninvited movie, why?
“Yes, in a way pero hindi ko naman kayang gawin lahat. And I thank God dahil marami naman talagang movie offers at marami akong script na nakukuha kaya lang, hindi ko kayang gawin lahat siyempre.
Ngayon limitado na rin yung dapat kong gawin.
“Hindi naman lahat ay puwede kong magawa pa. Kaya humahanap na lang ako ng script na medyo matsa-challenge ako. At itong Uninvited ay isa sa istorya na na-challenged ako talaga.
“Kaya na-excite akong gawin.
“And I am so so happy at excited sa movie na ito and first time ko with Direk Dan Villegas with Mentorque and Project 8.
“Bagong mga challenge sa akin ito. Bago, eh. Bago lahat. Kaya nakaka-challenge at nakaka-excite itong Uninvited,” pagtatapos ni Star For All Seasons Vilma Santos Recto.
Niwey, ang pelikula nilang Uninvited ay kasali sa MMFF 2024 at co-stars dito ni Vi sina Aga Mulach, Nadine Lustre, Tirso Cruz III,Mylene Dizon, Lotlot de Leon, Elijah Canlas, RK Bagatsing, Ketchup Eusebio, Cholo Barretto, Gio Alvarez at Ron Angeles.
Okay, tenk you beri big Vi for taking your time in answering my questions. Mercy Lejarde
