MANILA, Philippines – Nagsalita ang nagpakilalang asawa ni Ateneo de Manila University coach Tab Baldwin at nagsabing dati na niyang binalaan ang paaralan na hindi ligtas ang mga menor de edad dito.
Sa viral video na inilabas ng abogado nito sa New Zealand, nagsalita na ang babaeng pinangalanang Efi kasunod ng public apology ni Baldwin sa mga magulang ng mga basketball player na sina Rene Baterbonia at Divine Adili, na nalunod sa team building activity sa Dipaculao, Aurora noong Hunyo 8.
“This video is because of his latest interview, when he talks about his family. I wanna make sure he doesn’t represent me, or my kids,” sinabi ni Efi.
Aniya, nananatili siyang ‘officially married’ kay Baldwin mula pa noong 2011 ngunit nagdesisyon na tumakas noong 2020 dahil sa kanyang kaligtasan at ng kanyang mga anak.
Ilang beses na, ani Efi, na binalaan ang Ateneo tungkol sa kanyang asawa.
“I repeatedly told the Ateneo University that children are not safe around him and it was their duty to remove him,” sinabi ni Efi.
“I urged them to move him away from the campus, the university campus, and they proceeded to launch a campaign of intimidation and silencing,” dagdag pa nito.
Hindi naman tinukoy kung anong mga partido ang nasa likod ng umano’y kampanya.
“Rovelyn and Elias, the deaths of your kids were not only predictable but preventable. The bodies of your kids are still warm. And he’s talking about moving on,” sinabi pa nito.
“That’s terrible.”
“I urge the Filipinos and the police there to keep asking why he was still allowed around children in spite of these warnings,” pagpapatuloy ni Efi.
Wala pang tugon ang Ateneo de Manila University at si Baldwin kaugnay nito. RNT/JGC
