MANILA, Philippines – Inanunsyo ni Executive Secretary Lucas Bersamin ang bagong balasahan sa gabinete matapos ang utos ni Pangulong Ferdinand “Bongbong” Marcos Jr. na magsumite ng courtesy resignation ang mga opisyal ng kanyang administrasyon.
Magsisilbing kalihim ng Department of Environment and Natural Resources si Energy Secretary Raphael Lotilla, kapalit ni Ma. Antonia Yulo Loyzaga.
Pansamantalang pamumunuan ni dating kongresista Sharon Garin ang Department of Energy.
Itinalaga naman si Human Settlements Secretary Jose Acuzar bilang Presidential Adviser for Pasig River Development.
Papalitan ni Foreign Affairs Undersecretary Tess Lazaro si DFA Secretary Enrique Manalo, na lilipat sa United Nations.
Epektibo ang appointment ni Lazaro sa Hulyo 31.
Sinabi rin ni Bersamin na hindi tinanggap ni Pangulong Marcos ang kanyang courtesy resignation. RNT
