Magagamit na ang bagong package rate para sa hemodialysis (HD) sa electronic claims submission system nito (eClaims), sinabi ng Philippine Insurance Health Insurance Corporation (PhilHealth) nitong Biyernes.
Sa isang advisory, sinabi ng PhilHealth na ang bagong rate na PHP4,000 kada session ng treatment ay bahagi ng 156 HD coverage expansion.
Upang ang mga health facilities (HF) at ang Information Technology (IT) service providers ay makapag-adjust sa pag-update ng system sa pagpapalawak ng HD, ang mga HD session na nasa ika-60 araw na at nakatakdang isumite na sumasaklaw sa panahon ng Hulyo 1 hanggang 15 , 2024 ay hindi isasaalang-alang ng late filing at dapat bigyan ng extension kung sila ay nagsumite ng pareho sa loob ng Agosto 1 hanggang 25, 2024, ayon sa PhilHealth.
Idinagdag pa na ang kasalukuyang pagsusumire ng modalities ng HD sessions sa pamamagitan ng eClaims ay nalalapat pa rin at ang mga pagbabago sa paraan ng pag-file ay iaanunsyo.
Noong Hulyo 1, itinaas ng PhilHealth ang benefit package rate para sa HD mula PHP2,600 hanggang PHP4,000 bawat session.
Saklaw nito ang laboratory tests, administrative fees, gamot, at suplay na gagamitin ng pasyente sa HD centers. (Jocelyn Tabangcura-Domenden)
