BACOLOD, Philippines – Isang inabandunang sanggol na lalaki ang natagpuan sa Barangay Cabug noong Sabado ng gabi, Marso 14.
Ayon kay Police Staff Sgt. Charmie Jimenez, narinig ng isang residente ang iyak ng sanggol bandang 10 p.m. sa likod ng kanyang bahay at nakita itong nakahiga na nakadapa, may umbilical cord pa at kagat ng langgam sa mukha.
Dinala ang sanggol sa ospital at iniulat sa barangay.
Nasa maayos na kondisyon na ang bata at ibibigay ng barangay sa Department of Social Welfare and Development (DSWD).
Hinihikayat ng pulisya ang mga magulang ng sanggol na magpakita, habang nagpakita ng malasakit ang netizens sa kanyang kalagayan. RNT/MND
