BAGONG PATAKARAN SA ELECTRONIC GADGETS SA EROPLANO, IPATUTUPAD NG CAAP

IPINAAALAM ng Civil Aviation Authority of the Philippines (CAAP) na may bagong patakaran kaugnay ng ligtas na pagdadala ng laptop, cellphone at power bank sa pagsakay sa biyaheng panghimpapawid.

Nakikipagtulungan ang ahen­­siya sa mga lokal at dayuhang airlines upang gabayan ang ka­ni-kanilang mga pasahero sa wastong pagdadala ng mga
electronic gadget na inilalagay sa overhead compartment ng eroplano.

Ginawa ang pagbabago sa regulasyon matapos ang isang insidente ng sunog sa isang Air Busan na eroplano sa Gimhae International Airport noong Feb­ruary 28, 2025 na batay sa im­bestigasyon ay nagmula sa isang power bank.

Hindi na papayagang ilagay sa hand-carry bag, kundi dapat lamang hawakan ng pasahero sa buong biyahe ang laptop, cellphone at power bank upang hindi mahirapan ang mga cabin crew ng airline sa pagtunton sa mga ito kung sakaling may mangyari.

Hindi na rin papayagang ila­gay sa checked-in baggage ang power bank, charger, at e-ci­garette, pupuwede lamang sa hand-carry bag.

Ngunit mahigpit na ipatu­tupad ang limitasyon sa kapasidad ng power banks.

Ayon sa regulasyon ng CAAP, pinapayagan ang paggamit ng transmitting portable electro­nic devices, partikular ang mga laptop at cellphone, kabilang ang MP3 at GSM Onboard Aircraft (GSMOBA), sa ilalim ng ilang kondisyon, sa lahat ng komers­yal na eroplano na lumilipad sa loob o dumaraan sa teritoryal na hurisdiksyon ng Pilipinas.

Habang bukas pa ang mga pinto ng eroplano, maaaring gamitin ang mga laptop at cellphone. Ang paggamit ng Internet, short message service (SMS), o voice communication ay pinapayagan maliban kung ipagbawal ito ng pilot-in-command.

Ang lahat ng transmitting portable electronic devices tulad ng laptop na gumagamit ng broadband communication at cellphone ay kailangang patayin kapag ang eroplano ay nagre-refuel.

Kapag nakasara na ang mga pinto ng eroplano, ang mga transmitting portable electro­nic devices ay dapat ilagay sa silent mode at maaari lamang gamitin para sa SMS o Internet.

Hindi pinapayagan ang voi­ce communication maliban na lang kung gamit ang GSM Onboard Aircraft, basta’t hindi ito makaaapekto sa maayos na ope­ras­yon ng paglipad.

Maaari namang maglaro ng mga electronic games pero da­pat ay nasa silent mode.

Ang mga pagbabago sa re­gulasyon ayon sa CAAP ay para sa kaligtasan ng mga pasahero at mga tauhan ng eropla­no.