MANILA, Philippines – IPINAGPALIBAN ng Presidential Communications Office (PCO) ang implementasyon ng bago nitong guidelines para sa mga miyembro ng media na nagko-cover sa Pangulo sa gitna ng mga tanong ng Malacanang Press Corps (MPC).
”Pending the revision of its guidelines, the PCO agreed to defer the submission period of the accreditation requirements, which was supposed to take place from April 29 to May 2,” ang nakasaad sa kalatas ng mga MPC officer.
Ang magkabilang panig ay nagpulong, kung saan ayon sa mga opisyal ng MPC, tila ”to limit the autonomy of newsrooms in choosing the reporters they will assign to the beat.”
Sa nasabing pagpupulong, ipinunto ng mga opisyal ng MPC na may ilang probisyon ang guidelines, kabilang na ang five-year minimum requirement na existence para sa media entities at government coverage para sa mga reporters, ay makaaapekto sa status ng mga bagong media entities at sa deployment ng karamihan ay mga batang tauhan.
Tinukoy din ng mga opisyal ng MPC ang pangangailangan na linawin ang mga malabong mga termino gaya ng “false reporting,” isa sa mga grounds para sa pagpapawalang bisa ng akreditasyon, upang matiyak na hindi ito basta-basta magagamit.
Sa kabilang dako, bukas naman si PCO Secretary Jaybee Ruiz sa mga suhestiyon ng MPC subalit iginiit na magpapatupad ng mas mahigpit na accreditation rules and requirements upang masiguro na mapananatili ang Malakanyang bilang prime beat.
Hiniling naman ni Ruiz at iba pang opisyal ng PCO sa MPC na magsumite ng position paper ukol sa accreditation rules upang sa gayon ay maaari silang magabayan sa paglikha ng mas malinaw at mas katanggap-tanggap na hanay ng mga alituntunin.
Samantala, tatapusin naman ng mga opisyal ng MPC ang position paper at isusumite ito sa PCO, araw ng Biyernes.
Nangako naman ang mga opisyal ng MPC na patuloy na ”vigorously promote the interests of its members, contribute to the strengthening of self-regulation among media groups and stand by efforts promoting independent, critical and ethical reporting.” Kris Jose
