MANILA, Philippines – Sabayang nanumpa ang mga bagong promoted at appointed personnel ng Bureau of Corrections sa buong bansa.
Pinangunahan ito ni BuCor Director General Gregorio Pio Catapang Jr. kung saan kabuuang 188 uniformed at 11 civilian personnel ang na-promote.
Nasa 134 Corrections Officers, 95 Corrections Technical Officers at 20 civilian personnel naman ang nanumpa sa tungkulin.
Ayon kay Catapang, mahalaga ang hakbang na ito para palakasin ang pwersa ng BuCor at tiyaking handa ang kanilang hanay sa hamon ng corrections work.
Pinaalalahanan din niya ang mga kawani na iwasan ang korapsyon at panatilihin ang mataas na pamantayan ng serbisyo publiko. Jocelyn Tabangcura-Domenden
