Bagong silang na sanggol natagpuang patay sa irigasyon

MANILA, Philippines – Patay na nang matagpuan ang isang bagong silang na sanggol na palutang-lutang sa isang irigasyon sa Malolos, Bulacan.

Ayon sa ulat, kinailangan pang gumamit ng lambat ang mga awtoridad para iahon ang bangkay ng sanggol mula sa irrigation canal.

Namataan ng isang residente ang sanggol na palutang-lutang malapit sa kanilang bahay.

Kasalukuyan pang inaalam kung sino ang nagtapon ng sanggol na ngayon ay nasa punerarya. RNT/JGC