Home NATIONWIDE Bagong tariff program sa pagbalanse ng interes ng producers, consumers OKs kay...

Bagong tariff program sa pagbalanse ng interes ng producers, consumers OKs kay PBBM

MANILA, Philippines – Inaprubahan ni Pangulong Ferdinand “Bongbong” Marcos Jr. ang bagong Comprehensive Tariff Program para sa 2024-2028, sinabi ni National Economic and Development Authority (NEDA) Secretary Arsenio Balisacan nitong Martes, Hunyo 4.

Sa press briefing sa Palasyo, inihayag ni Balisacan na ang programa ay babago sa kasalukuyang tariff rates hanggang 2028, sabay-sabing ito ay isang ‘strategic move’ upang masiguro ang access at affordability sa mga essential commodity.

Ani Balisacan, babalansehin ng programa ang interes ng consumers at local producers, na inclusive para sa economic growth.

“During its 17th meeting, the NEDA Board acted on the recommendation of the Committee on Tariff and Related Matters, or CTRM, to maintain the current rates on more than half of the tariff lines covering various agricultural and industrial products that have relatively low applied tariffs, particularly for raw materials and intermediate inputs used in manufacturing,” dagdag ni Balisacan.

“The tariff maintenance will ensure access to inputs and support efforts to improve productivity and competitiveness. This measure will help our domestic industries by reducing the costs they incur for their inputs, enabling them to be more competitive, especially in the global market,” dagdag pa niya.

Sinabi pa ni Balisacan na mag-iisyu ng executive order si Marcos upang ipatupad ang bagong tariff program. RNT/JGC