Baguio binaha, ni-landslide sa sama ng panahon

MANILA, Philippines – Binaha ang ilang kalsada habang ang iba ay hindi madaanan dahil sa pagguho ng lupa sa walang humpay na pag-ulan sa Baguio City.

Nagsagawa naman ng Department of Public Works and Highways (DPWH) ang kanilang clearing operations sa mga bato at lupa na nakaharang sa kalsada.

Dahil sa malakas na ulan, na-stranded ang mga motorista habang binaha ang Naguilian Road sa Barangay Irisan, Baguio City.

Ayon sa Baguio City Disaster Risk Reduction and Management Council, dalawang pamilya sa Barangauy Irisa ang inilikas dahil sa landslide.

Ang Benguet ay nasa Signal No. 1 mula Linggo dahil sa Bagyong Julian.

Naramdaman ang epekto ng bagyo sa ibang bahagi ng Luzon tulad ng Tarlac, kung saan nagpunta si Pangulong Ferdinand Marcos Jr. RNT