Home OPINION BAGYO MALALAKAS DAHIL SA EL NIÑO

BAGYO MALALAKAS DAHIL SA EL NIÑO

AYON sa Philippine Astronomical, Geophysical and Astronomical Services Administration, magtatagal ang El Niño hanggang buwan ng Agosto 2024.

Ito’y kahit sinasabi ng PAGASA na sa Mayo at Hunyo may tig-2 bagyo at tig-3 ang mga susunod na buwan.

Ang nakababahala, mga Bro, sinasabi ng mga siyentista na malalakas at mauulan ang mga dahil sa El Niño.

Paliwanag ng mga siyentista, dahil sa init na dala ng El Niño, maraming tubig mula sa mga katubigan, dagat man o lawa o ilog, ang umaakyat sa kalangitan at nagiging mga ulap at ulan.

At dahil naman dito, kung bumaha ay gayun na lamang at kasunod na rito ang mga kamatayan at kasiraan ng mga ari-arian, maging sa kapaligiran.

MGA KAMAYAN AT KASIRAAN

Sa Brazil, makaraang may tumamang bagyo, may patay nang 60 katao, 67 missing at 500,000 ang walang malinis na inumin at kuryente.

May dam na nagiba sa Bento Goncalvo Cit habang ang isa, nanganganib pang magiba kaya naman, libo-libo ang nasa ibabaw ng kanilang mga bahay at suspendido ang mga airport.

Sa Kenya, makaraang tumama ang bagyong Hedaya, nasa 210 katao na ang patay, 90 missing at umaapaw na ang 178 dam at reservoir o imbakan ng mga tubig kaya gayun na lang ang mga pagbaha roon.

Sapilitang ginigiba na ng gobyerno ang mga tahanang nasa loob ng 40 metro mula sa mga ilog dahil dito namamatay ang maraming Kenyan.

May 27,600 nang mula sa mga ilog ang inilipat sa mga mas ligtas na lugar.

Sa Tanzania na kapitbansa ng Kenya, may 155 taong namatay na rin sa baha.

Singapore sa mga araw na ito, malakas ang ulan at malawakan ang pagbaha kaya naman nagkanda-delay-delay ang paglipad ng mga eroplano dahil din sa mga kidlat na kasama ng pag-ulan.

Sa Indonesia, napakalakas din ang mga pag-ulan na sumisira sa mga kalsada, tulay, hanan at iba pa at may 15 nang patay.

Tatlong beses nang tinamaan ang Indonesia ng mga matinding pagbaha na naganap noong Enero at Marso at panghuli sa mga araw na ito.

Sa United Arab Emirate, makaraang magkabaha sa matinding ulan nitong nakaraang mga linggo na ikinamatay ng ilang overseas Filipino worker, muling umuulan ngayon nang malakas at bumabaha muli, lalo na sa Dubai.

Ang China na tinamaan ng super bagyo, sa huling rekord sa nagibang highway, may 48 nang patay, bukod sa iba pang namatay noong kasagsagan ng bagyo.

MAAARING MANGYARI SA PINAS

Sa mga bagyo at pag-ulan na darating sa mahal kong Pinas, maaaring mangyari sa atin ang lahat na naganap at nagaganap sa ibang mga bansa.

Maramihang kamatayan, malawak na kasiraan sa mga ikinabubunay na negosyo, pananim at alagang hayop at isda, nagigibang dam, walang kuryente at malinis na tubig, pagtigil ng mga biyahe sa pagkagiba ng mga tulay, kalsada at pagsasara ng mga airport at iba pa.

Ngayon ang tanong: Nasaan na ang ating mga paghahanda?