Bahagi ng Mindanao Avenue sarado ‘gang 2028 sa subway project

MANILA, Philippines – Sarado hanggang 2028 ang ilang bahagi ng Mindanao Avenue sa Quezon City para sa konstruksyon ng Tandang Sora Station ng Metro Manila Subway Project.

Karaniwang nagsasakay at nagbababa ang mga bus sa panulukan ng Tandang Sora Avenue at Mindanao Avenue.

Sa ulat, hindi madaraanan ang gitnang bahagi ng kalsada habang passable naman ang tatlong lane ng magkabilang gilid ng kalsada.

Nagtalaga na ng mga enforcer para magmando ng trapiko sa lugar.

Ang Tandang Sora Station ay isa sa 17 istasyon ng 33-kilometer subway na nagkakahalaga ng mahigit P400 bilyon.

Ito ang ikatlong station mula Valenzuela Station kung saan ang underground drilling ay nagsimula noong 2023.

Noong 2024, ang underground drilling ng northbound track ay umabot na sa Quirino Highway Station.

Ayon sa Department of Transportation (DOTr), ang konstruksyon ay 20% nang kumpleto at inaasahang magiging fully operational pagsapit ng 2029. RNT/JGC