Home HOME BANNER STORY OVP confi funds probe ng Kamara, masasayang kung walang impeachment – solon

OVP confi funds probe ng Kamara, masasayang kung walang impeachment – solon

MANILA, Philippines – Masasayang lamang ang imbestigasyon ng Kamara sa paggamit ng confidential funds ng Office of the Vice President kung hindi isusulong ang impeachment ni Vice President Sara Duterte, ayon kay House Deputy Minority Leader and ACT-Teachers party-list Representative France Castro nitong Lunes, Enero 13.

“I have that sentiment that the House probe will go to waste without the impeachment, kaya sana huwag sayangin ng Kongreso yung mga ginawang pag-iimbestiga dito sa [House] Committee on Good Government, pati na ‘yung mga testimonya ng mga testigo na humarap rito. Sayang rin naman ‘yung pagpupuyat ng ating mga mamamayan na nakikinig at nanonood sa proseso na ginawa natin. Kailangan natin tugunan itong ganitong clamor ng ating mga kababayan na magtuloy itong impeachment,” sinabi ni Castro sa isang panayam.

“Nakita naman natin tumataas iyong bilang ng mga mamamayan na [gusto] talagang ituloy itong impeachment,” dagdag pa niya.

Sa pinakahuling sarbey ng Social Weather Stations (SWS), 41% ng mga Filipino ang pabor sa impeachment o pagpapatalsik kay Duterte habang 35% ang tutol at 19% ang undecided.

Nakita sa pagdinig ng House good government and public accountability panel na gumastos ang Office of the Vice President at Department of Education (DepEd) ng P500 milyon at P112.5 milyong halaga ng confidential funds mula Disyembre 2022 hanggang Setyembre 2023.

“Kami rin, naiinip na, kaya pinangunahan na namin yung meeting ng set ng complainants. Isang buwan na [ang nakalipas] at nagsalita na rin ang SecGen na natapos na rin nila ‘yung pag-ve-vet or pag-tingin sa substance, pag-ve-verify. Kaya sana, bumilis na at inaasahan natin na ma-hearing na ito bago mag-recess ulit ang Kongreso sa February 7,” ani Castro.

Sa oras na ipasa ni Velasco ang impeachment complaint sa opisina ni Speaker Martin Romualdez, mayroong 10 session days ang Speaker para i-refer naman ito sa Justice Committee.

Kung isa sa tatlong impeachment complaints ay mai-endorso ng 1/3 ng lahat ng miyembro ng Kamara, mai-impeach ang Bise Presidente sa Kamara at kailangang humarap sa impeachment trial ng Senado.

“Tuloy-tuloy naman ‘yung panawagan ng ating mga kababayan, very active kami dito sa impeachment complaint. Kung pwedeng araw-arawin namin ang Kongreso, na mga complainants na dito [ay] dumulog [para] ipahayag na talagang kilusan na nila ito ay gagawin natin,” dagdag ni Castro.

“Now that Congress resumed its session, the House of Representatives should start the impeachment process, with or without the approval of President Bongbong Marcos, as part of its Constitutional obligation of accountability. 41% [of Filipinos in favor of impeachment] is a big number,” saad sa hiwalay na pahayag ni dating
Bayan Muna party-list congressman Teddy Casiño.

“The findings of the House Good Government and Public Accountability hearings on this matter will be wasted if Congress fails to act on the complaints filed. If President Marcos Jr. is serious about his commitment to good governance, he must allow Congress to independently address the allegations against Vice President Duterte or else he will risk repeating the same failures of accountability that plagued his father’s administration.” RNT/JGC