MANILA, Philippines- Isasara ang ilang parte ng Subic-Clark-Tarlac Expressway (SCTEX) sa barangay Mabiga, Mabalacat, Pampanga mula April 28 hanggang 30, ayon sa North Luzon Expressway Corporation (NLEX).
Base sa NLEX Corp., hindi madaraanan ang ilang bahagi ng expressway dahil sa konstruksyon ng Malolos – Clark Railway Project.
Narito ang closed portions ng SCTEX:
Patungong Subic o Tarlac (Lane 1, 215-meter portion)
April 28, 9:00pm – April 29, 5:00 am
April 29, 9:00pm – April 30, 5:00 am
Patungong NLEX (Lane 1, 190-meter portion)
April 28, 9:00pm – April 29, 5:00 am
April 29, 9:00pm – April 30, 5:00 am
“To manage traffic, patrol crews/marshals will be deployed,” pahayag ng NLEX Corp. sa isang abiso.
“Directional and safety signs will be put up in strategic areas,” dagdag nito.
Nakatakdang magsilbing railway link ang Malolos-Clark Railway Project sa pagitan ng Metro Manila at Clark International Airport sa Pampanga sa 2026.
Bahagi ito ng North-South Commuter Railway Project ng Department of Transportation at ng Philippine National Railways. RNT/SA
