MANILA, Philippines – Umabot sa pito ang nasawi sa barangay Labang sa bayan ng Ambaguio, Nueva Vizcaya matapos ang paghagupit ng bagyong Pepito, ayon sa mga awtoridad.
Sinabi ng disaster office ng probinsya na natabunan ang bahay ng magkakamag-anak na nasa gilid ng bundok ang bahay.
Sa isinagawang rescue ops, tatlo ang nasagip, habang pitong bangkay ang narekober.
Ayon kay Gov. Jose Gambito, Biyernes pa lamang ay nagbabala na sila para sa evacuation subalit nabigla umano ang lahat dahil maging mga hindi nababahang lugar ay tumaas ang antas ng tubig. RNT
