Home NATIONWIDE Balut Island niyanig ng M-5.0 na lindol

Balut Island niyanig ng M-5.0 na lindol

MANILA, Philippines – Niyanig ng magnitude 5.0 na lindol ang Balut Island, Sarangani, Davao Occidental nitong Lunes ng gabi, Enero 13.

Ayon sa Philippine Institute of Volcanology and Seismology (PHIVOLCS), ang lindol ay tectonic in origin at nangyari 42 kilometro hilagang kanluran ng Balut Island bandang 7:41 ng gabi at may lalim na 24 kilometro.

Naitala ang mga sumusunod na intensity sa mga sumusunod na lugar:

Intensity IV: Kiamba, Sarangani
Intensity III: General Santos City; Maasim and Maitum, Sarangani; Tupi, South Cotabato
Intensity II: Don Marcelino, Davao Occidental
Intensity I: Lake Sebu, South Cotabato; Jose Abad Santos, Davao Occidental

Hindi naman inaasahan ang pinsala ngunit posible ang mga aftershock sa nangyaring lindol. RNT/JGC