BALAOAN, La Union- Patay sa pamamaril ang isang 43-anyos na barangay tanod ng isang 58-anyos na tricycle driver sa Barangay Camilo Osias, Balaoan, La Union nitong Sabado ng gabi.
Kinilala ng mga awtoridad ang biktima na si Eduardo R. San Jose.
Batay sa imbestigasyon, nasa lamay si San Jose at ang suspek na si William Subang nang magkainitan ang dalawa na nauwi sa pagtatalo.
Bumuot ng baril si Subang at binaril ang biktima.
Nakatakbo si San Jose subalit hinabol pa ng suspek. Napadapa ang biktima na muling binaril ng suspek.
Naaresto ng mga pulis ang suspek at nakuha ang baril sa isang pursuit operation. RNT/SA
