MANILA, Philippines – Pinuri ni overall quad-comm chairman Surigao del Norte 2nd district Rep. Robert Ace Barbers si dating Pangulong Rodrigo Duterte para sa pakikipagtulungan sa espesyal na four-way panel at sa karamihan ay pagmamasid sa tamang ugali.
“I’m glad na walang expletives, walang foul language. Although may lumusot na iilan,” ani Barbers sa isang pahayag.
Napag-alaman na mayroong hindi bababa sa tatlong pagbanggit ng “g*g*” at isang “PI” ang nagawa ng dating pangulo sa halos 13 oras na pagdinig nitong Miyerkoles, Nob. 13, ngunit ang lahat ng ito ay agad na inalis mula sa rekord.
Sa kabila ng ilang maiinit na sagutan, maging ang naging komosyon sa pagitan ni Digong at ni dating Senador Antonio Trillanes, sinabi ni Barbers na naging kalmado ang pagdinig sa pangkalahatan.
“[Pero] sa pangkalahatan, kalmado lahat, maayos lahat, at higit sa lahat we were able to elicit significant information from him,” Barbers said of his fellow Mindanaoan.
Ang quad-comm hearing noong Miyerkules ay nagsimula noong 10:45 a.m. at nasuspinde noong 11:44 p.m.
Parehong tinitingnan ng quad-comm at ng Blue Ribbon panel ang madugong giyera kontra droga ng nakaraang administrasyong Duterte. RNT
