Manila, Philippines – All year round yata ang pag-trend ng aktres na si Barbie Forteza!
Bukod kasi sa kaliwa’t kanang papuri na natanggap nito mula sa mga kapwa artista, napahanga rin nito ang netizens!
Sa nakalipas kasi na GMA Gala, hindi nakalusot ang GMA Primetime Princess sa tanong tungkol sa loveteam na KathDen o Kathryn Bernardo at Alden Richards.
Marami ang napapahamak dahil sa mga ganitong biglaang tanong pero si Barbie, mukhang always ready kahit ano’ng question.
“Boto ka ba kina Alden at Kathryn?” tanong ng press.
Mabilis namang nakasagot si Forteza!
“Inaano kayo ni Alden?” pabirong sagot nito na para bang pinagtatanggol ang aktor sa binabatong issue dito.
Mabilis naman niya ‘tong dinugtungan nang seryosong sagot saying, “They shine brightly individually, together they sparkle!” na siyang nagpahanga sa netizens.
Trending pa rin until now ang clip na inuulan nga ng good comments for Barbie.
Bukod daw kasi sa napakasaya ng aura ng aktres palagi, eh, ang galing din nitong sumagot, “Iyong tipong wala kang maibabato na issue after ng interview niya,” isa sa common comments ng netizens.
Well, that explains kung bakit umano ang ganda ng career ng Kapuso aktres, very positive kasi ang energy! Paula Jonabelle Ignacio
