Basilan niyanig ng pagsabog

MANILA, Philippines – Niyanig ng pagsabog ang Tipo-Tipo, sa Basilan nitong Martes ng gabi, Agosto 13, ilang araw bago ang piyesta ng naturang bayan.

Ang pagsabog ay naganap sa bisinidad ng municipal hall.

Wala namang naitalang nasawi bukod sa nasirang bakod.

Sa imbestigasyon, nakita ang dalawang lalaking sakay ng motorsiklo na naglaglag ng gamit malapit sa mini-gym na sumabog ilang Segundo matapos nito.

Agad na tumakas ang mga suspek matapos ang insidente.

Ayon kay Tipo-Tipo Mayor Arcam Patarasa, posibleng may kaugnayan sa paghahanda sa Tipun-Tipunan Festival ang pagsabog.

Iniimbestigahan na ng military bomb disposal team ang insidente upang matukoy ang uri ng pampasabog na ginamit.

Matatandaan na nagbunyi ang military at mga opisyal ng Tipo-Tipo sa deklarasyon na ang kanilang bayan ay Abu Sayyaf Group-free na. RNT/JGC