Baste dumating na sa Senado para tumestigo sa impeachment trial

MANILA, Philippines – Dumating na sa Senado si Davao City Mayor Sebastian “Baste” Duterte nitong Martes ng umaga, Setyembre 29 para tumestigo sa impeachment trial ng kapatid na si Vice President Sara Duterte.

Tatawagin ng House Prosecution panel si Baste para tumestigo sa Article 2 ng Articles of Impeachment, na nagtuturo sa Bise Presidente na nagkaroon ng hindi maipaliwanag na yaman.

Nitong Lunes, humiling si Baste na humarap ngayong araw at bukas, Setyembre 30 para magkaroon ng sapat na oras para ihanda ang mga kailangang dokumento sa kanyang pagharap sa Senate impeachment court.

Dati nang sinabi ng alkalde na ang transaksyon ng Davao City government sa GenCorp. ay umabot sa mahigit P33.2 milyon sa 19 kontrata.

Aniya, “never had any knowledge of Sara Duterte holding an interest in “Gencorp. Industries Inc.”

Ngunit idineklara ni Sara Duterte na ang GenCorp. Industries Inc. ay isa sa kanyang business interests sa kanyang 2024 at 2025 Statements of Assets, Liabilities and Net Worth.

Sa kabila nito, ang kanyang pangalan ay hindi makita sa corporate records ng kompanya. RNT/JGC