MANILA, Philippines – Nilagdaan ni Pangulong Ferdinand Marcos Jr. ang dalawang batas na magkakaloob ng 25-year franchise sa electric cooperatives sa Aklan at Benguet.
Pinagkalooban ng Republic Act No. 12302 ang Aklan Electric Cooperative (AKELCO) ng kapangyarihan na “construct, establish, operate, and manage” ng power distribution para sa end-users sa 17 munisipalidad ng lalawigan, ayon sa Presidential Communications Office (PCO).
Pinagkalooban din ang AKELCO ng parehong kapangyarihan para sa Pandan at Libertad sa Antique at Barangay Damayan sa Sapian, Capiz.
“The cooperative was tasked with ensuring reliable and affordable electricity service to households and businesses within its coverage area,” ang nakasaad sa press release ng PCO.
Samantala, ni-renew naman ng RA 12303 ang prangkisa ng Benguet Electric Cooperative (BENECO), pinahihintulutan ito na mag-provide ng electricity distribution sa mga bayan ng Atok, Bakun, Bokod, Buguias, Itogon, Kabayan, Kapangan, Kibungan, La Trinidad, Mankayan, Sablan, Tuba, at Tublay sa Benguet province, kasama ang Baguio City.
“Both franchises are subject to the provisions of the Constitution and applicable laws, and the cooperatives are mandated to operate in the public interest and for commercial purposes,” ang nakasaad sa press release.
Pinagana ng mga batas ang AKELCO at BENECO, ang kanilang mga successors, o assignees, na panatilihin ang sistema na titiyak na ang episyenteng power supply ay ibinibigay sa end-users.
Ang mga kopya ng mga batas ay hindi pa nailalathala sa Official Gazette. (KRIS JOSE)
