MANILA, Philippines – Tinintahan ni Pangulong Ferdinand R. Marcos Jr. abg batas na lilikha sa district engineering office ng Department of Public Works and Highways (DPWH) sa Zamboanga City.
Sa ilalim ng Republic Act (RA) 11994 na pinirmahan ni Marcos noong Abril 4, ang bagong engineering office ng DPWH ay tatawaging Zamboanga City First District Engineering Office.
Ilalagay ang Zamboanga City First District Engineering Office sa Zamboanga City Special Economic Zone – Zamboanga Freeport Authority sa barangay Talisayan.
Ang kasalukuyang district engineering office sa Zamboanga City ay tatawaging Zamboanga City Second District Engineering Office.
Ayon sa RA 11994, sakop ng bagong opisina ang mga barangay ng Ayala, Baliwasan, Baluno, Cabatangan, Calarian, Camino Nuevo, Campo Islam, Canelar, Capisan, Cawit, Dulian (Upper Pasonanca), La Paz, Labuan, Limpapa, Maasin, Malagutay, Mariki, Pamucutan, Pasonanca, Patalon, Recodo, Rio Hondo, San Jose Cawa-cawa, San Jose Gusu, San Roque, Sta. Barbara, Sta. Maria, Sto. Niño, Sinubung, Sinunuc, Talisayan, Tulungatung, Tumaga, Zone 1, Zone 2, Zone 3, at Zone 4.
Ang Zamboanga City Second District Engineering Office ay sasakop naman sa mga barangay ng Arena Blanco, Boalan, Bolong, Buenavista, Bunguiao, Busao, Cabaluay, Cacao, Calabasa, Culianan, Curuan, Dita, Divisoria, Dulian (Upper Bunguiao), Guisao, Guiwan, Kasanyangan, Lamisahan, Landang Gua, Landang Laum, Lanzones, Lapakan, Latuan, Licomo, Limaong, Lubigan, Lumayang, Lumbangan, Lunzuran, Mampang, Manalipa, Mangusu, Manicahan, Mercedes, Muti, Pangapuyan, Panubigan, Pasilmanta, Pasobolong, Putik, Quiniput, Salaan, Sangali, Sta. Catalina, Sibulao, Tagasilay, Taguiti, Talabaan, Talon-Talon, Taluksangay, Tetuan, Tictapul, Tigbalabag, Tigtabon, Tolosa, Tugbungan, Tumlautab, Tumitus, Victoria, Vitali, at Zambowood.
Ang pondo ng dalawang opisina ay magmumula sa taunang General Appropriations Act.
Ipinasa ang batas sa Kamara at Senado noong Marso 21, 2023, at Nobyembre 2, 2023.
Eepekto ito 15 araw matapos mailathala sa Official Gazette o diyaryo sa general publication. RNT/JGC
