Bewang at balakang ni Herlene, lumiit!

Manila, Philippines – Parang OA ang pamamayat ni Herlene Budol.

Maging siya kasi’y hindi makapaniwala sa iniliit ng kanyang waistline.

As in 19″ na lang daw kasi ngayon ang bewang niya–na ngayon lang daw niya na-experience sa tanang buhay niya.

Take note, hindi lang waistline ni Herlene ang nag-“shrink.”

Apektado rin daw kasi ang kanyang hips o balakang.

Kasabay nito ang pagliit din ng kanyang butt o puwet.

Ang dating 30″ na sukat ng balakang niya’y 28″ na lang ngayon.

Pero ang talagang ikinaloka ng Kapuso star ay ang waistline niya.

Biruan nga ng mga kaibigan niya, nagsisiksikan daw tuloy ang mga internal organs o laman-loob niya!

Wala namang binanggit ang sexy comedienne kung paano niya na-achieve ‘yon.

Puzzling! Ronnie Carrasco III