MANILA, Philippines – Ipinaalala ng Bureau of Immigration (BI) sa mga dayuhan na maaari nang mag-apply para sa visa extension online sa pamamagitan ng BI eServices portal, nang hindi na kailangang pumunta sa opisina.
Ayon kay BI Commissioner Joel Anthony Viado, naapektuhan ng mga nakaraang bagyo ang ilang BI offices, kabilang ang Siargao, ngunit patuloy ang pagbabalik-operasyon at karamihan ng opisina sa bansa ay bukas pa rin.
“For those in affected areas, our online services remain available,” sabi niya.
“Our eServices portal allows foreigners to extend their visas and access several other services wherever they are. This is part of our ongoing modernization efforts to make immigration services more efficient, secure, and accessible,” dagdag pa ni Viado. RNT
