Home NATIONWIDE Bicam report sa panukalang bubuo sa DOH specialty centers niratipikahan na

Bicam report sa panukalang bubuo sa DOH specialty centers niratipikahan na

MANILA, Philippines – Niratipikahan na ng House of Representatives nitong Miyerkules, Mayo 31 ang bicameral conference report sa panukalang nagtatatag ng specialty centers sa mga ospital sa direktang pangangasiwa ng
Department of Health (DOH).

Inaprubahan ang bicam report na nag-uugnay sa
House Bill 7751 at Senate Bill 2212, sa pamamagitan ng viva voce voting.

Sa ilalim ng panukala, bibigyang-mandato ang DOH na magtayo ng specialty centers sa piling ospital.

Isang center ang inaasahang itatayo sa bawat rehiyon sa loob ng limang taon matapos itong maisabatas.

Isasaprayoridad ng DOH ang mga pasilidad para sa 17 specialties, partikular na ang
cancer care; cardiovascular care; lung care; renal care and kidney transplant; brain and spine care; trauma care; burn care; orthopedic care; physical rehabilitation medicine; infectious disease and tropical medicine; toxicology; mental health; geriatric care; neonatal care; dermatology care; ear, nose and throat care; at eye care.

Naglalagay din ng criteria ang panukala para sa naturang mga pasilidad kabilang ang pangangailangan sa naturang kalusugan, lokasyon at performance ng ospital kung saan ilalagay ang center.

Kabilang din dito ang availability ng competent specialized health care personnel, at akreditasyon mula sa Philippine Health Insurance Corp. para sa mga pasyenteng mangangailangan ng tulong sa health care packages.

Ayon kay Speaker Martin Romualdez, may-akda ng panukala, ang pagtatag ng mga pasilidad na ito “would make specialized health care accessible to our people in the provinces, especially the poor.”

“We have specialty hospitals built during the time of the father of President Ferdinand ‘Bongbong’ Marcos Jr., President Ferdinand Marcos Sr., but all of these are in Quezon City. So, our people in the regions and in Visayas and Mindanao who need the services of these health facilities will have to travel all the way to Quezon City to avail of their services,” aniya.

Ang specialty hospitals ay ang Philippine Heart Center, National Kidney and Transplant Institute, Lung Center of the Philippines, Philippine Children’s Medical Center at Orthopedic Hospital.

Ani Romualdez, layunin ng panukala na makapagbigay ng specialized health services sa publiko lalo na ang may mga sakit na talamak sa bansa tulad ng sakit sa puso, atay at baga.

Layon din nito na palakasin ang implementasyon ng Universal Health Care Law.

Noong nakaraang buwan, kinumpirma na ni Marcos na tinutukoy na ng pamahalaan ang mga lugar na patatayuan ng specialty hospitals. RNT/JGC

Previous articleMarcos, Romualdez nanawagan ng unity kasunod ng drama sa Kamara
Next articleVendor tiklo sa sumbong ng concerned citizen, P70K shabu nasamsam