MANILA, Philippines – Nagpahayag ng matinding pagtutol ang mga miyembro ng progresibong grupong Bayan sa ikinasang big time oil price hike sa pagbungad ng Agosto na isang pahirap sa mga ordinaryong mamamayan.
Isinagawa ang kilos-protesta sa Boys Scout Circle sa Quezon City nitong Martes.
Sa abiso ng malalaking kumpanya ng langis ay nagpatupad sila ngayong araw ng dagdag presyo na P2.10 sa kada litro ng kanilang gasolina, P3.50 sa kada litro ng diesel at P3.25 sa kada litro ng kanilang kerosene epektibo alas-6 bukas ng umaga. RNT
