Manila, Philippines – Mixed emotion ang mararamdaman ninuman kapag napanood ang Idol The April Boy Regino Story na showing na this coming November 27, 2024.
‘Di nakapagtataka na maraming napabilib kay Efren Reyes, Jr. at isa na nga rito ang aktor na si Dindo Arroyo na nagsabing, “napabilib ako sa husay ng pagdidirek ni Efren Reyes, Jr. dito sa pelikulang Idol The April Boy Regino.”
‘Di naman nakapagtataka na may husay siya sa paggawa ng pelikula. Nagmana siya sa kanyang ama na si Efren Reyes, Sr. na matagal nang namayapa.
Natanong naman si Direk Efren, Jr. kung ano ang pinaka-magandang eksena na nagawa niya sa nasabing pelikula at ang naging sagot niya ay, “Lahat maganda. Hindi ko pinababayaan ang mga eksena kong ginawa dito. Lahat inaral kong mabuti. Wala akong pinabayaan.”
Ayon sa producer nito na si Madam Marynette Gamboa of Waterplus Productions, “Nu’ng panahon ng 2019 ay nagku-kuwentuhan lang kami ni April Boy pero hindi ko alam na bulag na pala siya.
“Nag-perform siya noon na parang hindi siya bulag.
“At talagang na-impressed ako. At nang malaman ko na bulag pala siya sabi ko kay April Boy gawan ko kaya ng pelikula ang iyong life story.
“Nu’ng birthday ko ang sabi sa akin ni April Boy, ‘Madam Marinette sana magkaroon ka ng mas maraming pera para magawa mong pelikula ang aking life story.’
“Sabi ko naman, ‘sige gawin natin.’
“Pero namatay na siya. So itong paggawa ko ng kanyang life story ay pangako ko sa patay.
“Kumbaga, sinugalan natin ito na ang pag-asa natin ay merong Diyos na gagabay sa ating gagawing pelikula na liife story nga ni April Boy Regino. Hindi ko na inisip kung paano. Basta bahala na ang Dyos. Siya na lang ang tutulong sa atin,” ang mahabang paliwanag ni Madam Marinette Gamboa.
O, siya madlang pipol, panoorin natin ang nakaka-inspire na life story ni April Boy Regino lalo na yung mga aspiring singers diyan. Mercy Lejarde
