Bong at Ipe, magkaibigan, di magkapartido!

Manila, Philippines- Nagpahayag na ng interes si Phillip Salvador na tumakbo bilang senador sa mid-term elections sa susunod na taon.

Titiket si Kuya Ipe sa ilalim ng PDP o Partido Demokratiko Pilipino.

Ito ang partido ni dating Pangulong Rodrigo Duterte.

Nasa ilalim din ng PDP na ineendorso ni Digong sina Senators Bong Go at Bato de la Rosa.

Nag-iikot na sa bansa si Ipe para lalong lumikha ng ingay.

Ito’y sa pamamagitan ng angkop niyang slogan o katawagan sa kanya bilang “Mr. IPEktibo.”

Isang matalik ding kaibigan sa katauhan ni Senator Robin Padilla ang campaign manager ng PDP.

Talk about real-life friendship, ang sanggang-dikit ni Phillip na si Senator Bong Revilla ay sa ibang partido naman nakatiket.

May the best man win na nga lang ang mangyayari para makapasok sa Magic 12.

May nasisilip nga lang na stumbling block sa senatorial bid ni Phillip.

Ito’y ang pagiging ama ni Joshua na anak niya kay Kris Aquino.

Makaapekto kaya sa winning chances nito ang kanyang absensya sa buhay ni Joshua simula’t sapul? Ronnie Carrasco III