Bilang ng Chinese warships sa WPS namataan ng PH Navy

MANILA, Philippines- Na-monitor ng Philippine Navy ang bahagyang pagtaas ng bilang ng Chinese warships sa West Philippine Sea (WPS) kahit na ang kabuuang bilang ng vessels mula sa China ay bumaba sa nakalipas na linggo.

Namataan ang 17 warships sa WPS, mas mataas sa naunang bilang na 16, base sa Philippine Navy nitong Martes.

Mula Sept. 24 hanggang 30, naitala ang sumusunod na People’s Liberation Army Navy (PLAN) vessels ng China sa sumusunod na WPS features:

• Bajo de Masinloc — isang PLAN

• Ayungin Shoal — dalawang PLANs

• Pagasa Islands — dalawang PLANs

• Parola Island — isang PLAN

• Likas Island — isang PLAN

• Lawak Island — isang PLAN

• Panata Island — isang PLAN

• Rizal Reef — isang PLAN

• Escoda Shoal — limang PLANs

• Iroquois Reef — dalawang PLANs

Karamihan sa  Chinese warships ay namataan sa Escoda Shoal, kung saan isang Philippine Coast Guard (PCG) vessel ang kamakailan ay nagsimulang magpatrolya bilang kapalit ng BRP Teresa Magbanua ng Philippine Coast Guard.

Bukoid sa PLAN vessels, na-monitor din ng Philippine Navy ang 131 Chinese maritime militia (CMM) vessels, 28 China Coast Guard (CCG) ships, at tatlong research vessels sa sumusunod na WPS features:

• Bajo de Masinloc — limang CCGs, anim na CMMs, dalawang research ships

• Ayungin Shoal — 10 CCGs, 12 CMMs

• Pagasa Islands — dalawang CCGs, 46 CMMs

• Kota Island — anim na CMMs

• Likas Island — isang CMM

• Panata Island — apat na CMMs

• Rizal Reef — isang CCG

• Escoda Shoal — 10 CCGs, 12 CMMs

• Julian Felipe Reef — 16 CMMs

• Iroquois Reef — 28 CMMs

Sa kabuuan, ang bilang ng Chinese vessels sa WPS sa nakalipas na linggo ay bumaba sa 178 mula sa 251, na record-high number ngayong taon.

“These are raw figures based on a one-week monitoring, it is too early to attribute the decrease to any particular event,” ani Philippine Navy spokesperson Rear Admiral Roy Vincent Trinidad.

“We have to be prepared for the ‘long game’ in the WPS and look at the strategic or bigger picture. Amid all of these, your Navy and your AFP will contribute performing its mandate of ensuring the integrity of our national territory,” dagdag niya. RNT/SA