Botohan sa NPC umarangkada na

MANILA, Philippines – Umarangkada na ang botohan sa National Press Club (NPC) ngayong araw, Mayo 3.

Bago nito, nagsagawa muna ng General Assembly ganap na alas-9 ng umaga ang mga opisyal ng NPC bilang “Ulat sa Bayan.”

Naging masaya ang pagsisimula ng botohan kasabay ng mga dumadagundong na tambol.

Punong-puno rin ng mga makukulay na tarpaulin ng mga kandidato at kanya-kanyang mga souvenirs at pakain sa mga botanteng miyembro.

Nagsimula ang botohan ala-1:00 ng hapon at magtatapos ito ng alas-5 ng hapon saka agad bibilangin.

Magkalaban sa pwesto ng pagka-Pangulo si Mina Navarro na dating Treasurer ng NPC at si Dionix Doroneo.

Nananatili naman sa pwestong tatakbuhin si Benny Antiporda sa pagka-bise presidente.

Sa Kalihim ay magkakatunggali si Gina Mape at dating NPC president na si Boying Abasola.

Ang dating director na si Jenny Lacorte ang Treasurer at Auditor si Lydia Bueno.

Mag-aagawan naman sa pwesto ng Directors ang 18 kandidato dahil 10 lamang ang dapat na magtagumpay na kukumpleto sa hanay ng NPC new sets of officers.

Ang NPC election ay isinasagawa tuwing ikadalawang taon. Jocelyn Tabangcura-Domenden