MANILA, Philippines – Patay ang isang 59-anyos na lumber buyer matapos barilin sa Barangay Dolis, Calatrava, Negros Occidental nitong Miyerkules, Setyembre 11.
Kinilala ng pulisya ang biktima na si Danelson Amolo Sr. ng Barangay Dolis.
Sa imbestigasyon, pinangangasiwaan ng biktima ang pagkakarga ng mga lumber nang dumating ang hindi pa tukoy na lalaki at binaril ito.
Nagtamo ng tama ng bala ang biktima na agad dinala sa Calatrava Municipal Hospital kung saan siya idineklarang patay.
Narekober sa crime scene ang anim na .45 caliber cartridge cases, pares ng tsinelas na pinaniniwalaang pagmamay-ari ng suspek, at pares ng tsinelas ng biktima.
Nagsasagawa na ng follow-up investigation sa kaso. RNT/JGC
