Nagsagawa ng police operation sa lalawigan ng Sorsogon ang mga tauhan ni Northern Police District (NPD) Director P/BGen. Benliner Capili nang makatanggap ng impormasyon na doon nagkakanlong ang 62-anyos na lolo na nahatulan na sa kasong may kaugnayan sa ilegal na droga sa Valenzuela City.

Katuwang ang mga tauhan ng Barcelona Municipal Police Station at San Manuel Municipal Police Station sa Sorsogon, inaresto ang akusado dakong alas-10:10 ng umaga sa Brgy. Poblacion Sur, sa Bayan ng Barcolona.

Bitbit ng mga operatiba ng Station Intelligence Section at Warrant and Subpoena Section ng Valenzuela Police Station ang arrest warrant na inilabas ng Regional Trial Court (RTC) Branch 284 ng Valenzuela laban sa akusado para sa kasong paglabag sa Section 12 ng R.A. 9165 o ang Comprehensive Dangerous Drugs Act of 2002 na may kalakip na service of sentence. Merly Duero

The post Lolo na wanted sa Valenzuela, nasakote sa Sorsogon first appeared on Remate Online.

Sa ulat, nagpapatrolya ang mga tauhan ni Valenzuela Police Chief P/Col. Joseph Talento sa East Service Road nang lapitan sila ng isang residente upang isumbong ang panggugulo at paghahamon ng away ng suspek sa terminal ng tricycle sa Brgy. Paso de Blas dakong alas-10:20 ng gabi.

Nang respondehan ng mga tauhan ng Police Sub-Station 1sa nasabing lugar, inabutan nila ang suspek na residente ng Brgy. Mapulang Lupa, habang nagsisisigaw na naghahamon ng away habang hawak ang isang kalibre .38 revolver.

Tiklop ang angas ng suspek nang makita ang mga pulis na kaagad siyang pinosasan at kinumpiska ang hawak niyang hindi lisensiyadong baril na kargado ng tatlong bala.

Nakapiit na sa custodial facility ng Valenzuela Police Station ang suspek na mahaharap sa kasong Alarm and Scandal at paglabag sa Comprehensive Firearms and Ammunition Regulation Act sa Valenzuela City Prosecutor’s Office.

Pinuri ni Northern Police District (NPD) Director P/BGen. Benliner Capili ang Valenzuela Police sa mabilis na pagresponde at binigyang-diin nito na patuloy ang mahigpit na pagpapatupad ng batas laban sa ilegal na pag-iingat ng mga baril upang maiwasan ang mga krimen para mapanatili ang kaayusan, matiyak ang kaligtasan at kapayapaan ng bawat mamamayan. Rene Manahan

The post Tambay inaresto sa pagwawala habang may bitbit na baril first appeared on Remate Online.

Ayon sa Sto. Tomas MPS, ang suspek ay residente ng Urbiztondo, Pangasinan.

Bandang 12:30 ng tanghali nang isagawa ang buy-bust operation laban sa suspek dahil sa umano’y illegal sale and distribution of smuggled cigarettes.

Ang buy-bust operation ay ikinasa ng mga personnel ng La Union Provincial Intelligence Unit (lead unit), Regional Intelligence Division 1, Technical Support Company-Regional Mobile Force Battalion, La Union Maritime Police Station 1, Sto. Tomas MPS, at La Union Provincial Intelligence Team Regional Intelligence Unit, sa pakikipag-ugnayan sa BIR, Revenue Region 1.

Sa naturang buy-bust operation ay nakakumpiska ang mga awtoridad ng tatlong box ng pinaghihinalaang smuggled cigarettes na tinatayang nagkakahalaga ng P108,000.

Ginawa ang inventory sa mga nakumpiskang ebidensya sa harap ng mga representatives ng Bureau of Internal Revenue (BIR)-Sto. Tomas, La Union at mga opisyal ng barangay. Rolando S. Gamoso

The post Kelot timbog sa smuggled na sigarilyo first appeared on Remate Online.

MANILA, Philippines – Sumuko na sa pulisya ang 36-anyos na lalaki na suspek sa paglaslas sa leeg at pagdukot sa kanyang 31-anyos na pinsang babae matapos umanong tumanggi itong makipagtalik kapalit ng ₱200,000 na uutangin sa Pulilan, Bulacan.

Ayon sa Pulilan Municipal Police Station, sumuko ang suspek noong Nobyembre 7 matapos ang pakikipag-ugnayan ng mga awtoridad sa kanyang pamilya.

Naganap ang insidente noong Nobyembre 5 sa parking lot ng isang mall sa Pulilan, kung saan nakipagkita ang biktima sa suspek upang manghiram ng pera.

Batay sa imbestigasyon, hiniling umano ng lalaki na makipagtalik muna ang biktima bago nito ipahiram ang pera.

Nang tumanggi ang babae, nauwi sa komprontasyon ang kanilang pag-uusap hanggang sa laslasin umano ng suspek ang leeg nito.

Ayon kay Pulilan Police OIC Lt. Col. Eric Cister, nagtamo ang biktima ng sugat sa leeg na kinailangang tahiin nang hindi bababa sa 15 beses.

Nang mapansin ng isang security guard ang kaguluhan, pinaharurot umano ng suspek ang sasakyan habang kasama ang sugatang biktima.

Nakarating ang dalawa sa Kennon Road sa Baguio City, kung saan naubusan ng gasolina ang kanilang sasakyan.

Nagawa namang makatakas ng babae at humingi ng tulong nang umalis ang suspek upang maghanap ng gasolina.

Agad na nakipag-ugnayan ang Baguio City Police sa mga awtoridad sa Pulilan upang matunton ang lalaki.

Ayon sa pulisya, nahaharap ang suspek sa mga kasong frustrated murder, acts of lasciviousness at abduction.

Tumanggi naman umano itong magbigay ng pahayag kaugnay ng insidente.

Ligtas na ang biktima at nakalabas na sa ospital. Humiling din ito ng privacy habang nagpapatuloy ang imbestigasyon. Mary Anne Sapico

The post Sex muna bago P200K utang; Bebot tumanggi, nilaslas sa leeg ng pinsan first appeared on Remate Online.

MANILA, Philippines – Nasawi ang isang 19-anyos na person with disability (PWD) matapos ma-trap sa nasusunog na bahay sa Barangay Pitalo, San Fernando, Cebu nitong Lunes, Nobyembre 9.

Naganap ang insidente sa Purok Atis, Sitio Kamunggay, kung saan naiwan ang biktima sa kanilang bahay habang sandaling umalis ang kanyang ina.

Ayon sa ulat ng Cebu Daily News, nagtungo ang ina sa kalapit na bahay ng kapitbahay nang ipagbigay-alam sa kanya na nasusunog na ang kanilang tirahan.

Agad siyang bumalik ngunit hindi na niya nailigtas ang anak dahil mabilis na kumalat ang apoy sa bahay na gawa sa magagaan na materyales.

Natagpuan na lamang ang sunog na bangkay ng biktima sa loob ng kanilang tirahan.

Batay sa ulat ng San Fernando Municipal Police Station, nakatanggap ang mga awtoridad ng tawag tungkol sa sunog bandang alas-12:45 ng hapon.

Pagdating ng mga pulis sa lugar, naapula na ng Bureau of Fire Protection (BFP) ang apoy.

Tinatayang ₱10,000 ang halaga ng mga ari-ariang napinsala sa insidente.

Ayon sa ulat, wala umanong pinaghihinalaang foul play ang pamilya at tumanggi na rin silang ipasailalim sa autopsy ang labi ng biktima.

Patuloy namang iniimbestigahan ng BFP ang sanhi ng sunog. Mary Anne Sapico

The post 19-anyos na PWD, patay sa sunog sa Cebu first appeared on Remate Online.

MANILA, Philippines – Humingi ng paumanhin ang Iligan Medical Center College (IMCC) sa Iligan City matapos umani ng batikos kaugnay ng umano’y pagbabawal sa mga Muslim nursing student na magsuot ng hijab sa kanilang capping ceremony at clinical duties.

Sa pahayag nitong Lunes, Nobyembre 9, nilinaw ng pamunuan ng kolehiyo na hindi nito layuning makasakit o magparamdam ng diskriminasyon sa sinumang miyembro ng kanilang akademikong komunidad.

Nangako rin ang IMCC na rerepasuhin at babaguhin ang kasalukuyang uniform policy sa pamamagitan ng konsultasyon sa iba’t ibang sektor, habang isinasaalang-alang ang mga paniniwalang panrelihiyon, kultura, umiiral na batas at professional standards.

Nauna nang itinanggi ng kolehiyo na mayroon itong pangkalahatang pagbabawal sa pagsusuot ng hijab sa loob ng campus.

Gayunman, iginiit ng mga Muslim student na may mga restriksyon sa paggamit ng hijab sa ilang gawaing pang-akademiko, partikular sa nursing capping ceremony at clinical training.

Nitong Nobyembre 9, nakipagdayalogo sa pamunuan ng paaralan ang Muslim civic leader at women’s rights advocate na si Samira Gutoc kasama ang mga kinatawan ng IMCC Muslim Students Association at National Commission on Muslim Filipinos (NCMF).

Nauna ring idinulog ng NCMF Northern Mindanao sa Commission on Higher Education (CHED) ang reklamo ng mga estudyante noong Nobyembre 4.

Layunin ng kanilang hakbang na matiyak na maipagpapatuloy ng mga Muslim student ang kanilang pag-aaral nang hindi isinasantabi ang kanilang mga paniniwalang panrelihiyon.

Samantala, nagpahayag din ng suporta ang ilang organisasyon ng kabataan at Muslim students sa panawagang magkaroon ng malinaw at makatarungang patakaran sa pagsusuot ng hijab.

Sa ilalim ng CHED Memorandum Order No. 47, Series of 2016, may mga alituntunin para sa pangangalaga sa karapatang panrelihiyon ng mga estudyante sa mga institusyon ng mataas na edukasyon.

Hindi pa malinaw kung kailan matatapos ang pagrepaso ng IMCC sa uniform policy nito at kung anong mga pagbabago ang ipatutupad. Mary Anne Sapico

The post Hijab ipinagbawal, Iligan college humingi ng paumanhin first appeared on Remate Online.

MANILA, Philippines – Magpapatupad ang Metropolitan Manila Development Authority (MMDA) ng road closures at traffic rerouting sa ilang bahagi ng Pasay City mula Nobyembre 15 hanggang 18 kaugnay ng pagdaraos ng 49th ASEAN Summit and Related Summits.

Ayon sa MMDA, kabilang sa mga kalsadang isasara sa publiko ang Atang Dela Rama Street, Vicente Sotto Street, Pedro Bukaneg Street at Magdalena Jalandoni Street na nasa paligid ng Philippine International Convention Center (PICC) at Cultural Center of the Philippines (CCP) Complex.

Pinayuhan ang mga motoristang patungong southbound mula Roxas Boulevard papuntang Diokno Boulevard at Macapagal Boulevard na kumanan sa EDSA, pagkatapos ay kumanan sa Diokno Boulevard patungong Macapagal Boulevard.

Para naman sa mga biyaheng northbound patungong Roxas Boulevard, maaaring dumaan sa Seaside Boulevard, kumanan sa Macapagal Boulevard, kumaliwa sa EDSA at muling kumaliwa sa Roxas Boulevard.

Bukod sa road closures, magpapatupad din ang MMDA ng stop-and-go traffic scheme sa mga rutang dadaanan ng mga opisyal na convoy at delegasyon.

Pinaalalahanan din ang mga truck driver na sundin ang mga itinakdang truck routes upang maiwasan ang pagsisikip ng trapiko.

Para sa mga truck na manggagaling sa Port Area patungong North Diversion Road, maaaring dumaan sa Road 10, Capulong Street, Raxabago Street, Yuseco Street, F. Huertas Street at C3 Road.

Samantala, ang mga truck na biyaheng southbound mula Port Area patungong President Sergio Osmeña Highway ay maaaring dumaan sa Bonifacio Drive, P. Burgos Road, Finance Road, Ayala Boulevard, San Marcelino Street at President Quirino Avenue.

Nilinaw ng MMDA na ang mga pagsasara ay limitado sa mga kalsadang nakapaloob sa security perimeter ng PICC at CCP Complex.

Pinayuhan ang publiko na maglaan ng dagdag na oras sa pagbiyahe, gumamit ng mga alternatibong ruta at sumunod sa mga traffic enforcer upang maiwasan ang abala.

Nauna nang idineklara ng Malacañang ang Nobyembre 16 hanggang 18 bilang special non-working days sa Metro Manila kaugnay ng pagho-host ng bansa sa ASEAN Summit. Dave Medina

The post 4 kalsada sa Pasay, isasara sa Nob. 15–18 para sa ASEAN Summit first appeared on Remate Online.

MANILA, Philippines – Walang nakahula sa winning combination ng Grand Lotto 6/55 na may jackpot prize na ₱349,051,462.79 sa draw ng Philippine Charity Sweepstakes Office (PCSO) nitong Lunes ng gabi, Nobyembre 9.

Ang lumabas na mga numero ay 53-44-36-18-20-28.

Wala ring nakapag-uwi ng ₱15 milyong jackpot sa Mega Lotto 6/45 matapos walang tumama sa kombinasyong 29-27-12-11-43-05.

Samantala, narito ang mga resulta ng iba pang lotto games:

4D Lotto: 1-9-7-9

3D Lotto:
2 PM – 5-9-7
5 PM – 1-1-9
9 PM – 9-3-4

2D Lotto:
2 PM – 01-19
5 PM – 27-20
9 PM – 01-09

Nakatakda ang susunod na Grand Lotto 6/55 at Mega Lotto 6/45 draw sa Miyerkules, Nobyembre 11.

Maaaring tingnan ng mga mananaya ang opisyal na resulta sa website ng PCSO. RNT

The post Mga mananaya, bokya sa P349M Grand Lotto jackpot first appeared on Remate Online.

MANILA, Philippines – Lumabas na ng Philippine Area of Responsibility (PAR) ang bagyong Samuel nitong Lunes ng hapon, Nobyembre 9, ngunit makararanas pa rin ng pag-ulan ang ilang bahagi ng bansa dahil sa Amihan at Easterlies.

Ayon sa PAGASA, nakalabas ng PAR ang bagyong Samuel, na may international name na Cempaka, bandang alas-4 ng hapon, wala pang walong oras matapos pumasok sa teritoryo ng pagbabantay ng bansa.

Huling namataan ang bagyo sa layong 1,415 kilometro silangan-hilagang-silangan ng dulong Hilagang Luzon, taglay ang lakas ng hanging 130 kilometro kada oras at pagbugsong umaabot sa 160 kilometro kada oras.

Hindi inaasahang direktang makaaapekto sa lagay ng panahon sa Pilipinas ang bagyo.

Gayunman, magdadala ang Northeast Monsoon o Amihan ng pag-ulan sa Aurora, Quezon at Camarines Norte, habang makararanas ng mahinang ulan ang Cagayan Valley at Cordillera Administrative Region.

Samantala, magdudulot ang Easterlies ng kalat-kalat na pag-ulan at pagkulog at pagkidlat sa Caraga, Davao Region, Eastern Samar, Southern Leyte, Bohol, Misamis Oriental at Camiguin.

Nagbabala ang PAGASA sa posibleng pagbaha at pagguho ng lupa sa mga lugar na makararanas ng katamtaman hanggang malakas na pag-ulan.

Sa Metro Manila, Ilocos Region at iba pang bahagi ng Central Luzon at CALABARZON, inaasahan ang bahagyang maulap hanggang maulap na kalangitan na may panaka-nakang mahinang ulan.

Nagbabala rin ang PAGASA sa malalakas na pagbugso ng hangin dulot ng Amihan sa malaking bahagi ng Luzon at Visayas hanggang Miyerkules, Nobyembre 11.

Pinayuhan ang mga gumagamit ng maliliit na sasakyang pandagat na mag-ingat sa paglalayag dahil sa posibleng maalong karagatan.

Patuloy namang kikilos pahilagang-silangan ang Samuel sa Karagatang Pasipiko at inaasahang lalakas pa bago tuluyang humina. RNT

The post Bagyong Samuel, lumabas na ng PAR; Amihan, Easterlies magdadala ng ulan first appeared on Remate Online.