Kinilala ng pulisya ang suspek na si alyas Onofre, 65, residente ng Barangay San Dionisio, Parañaque City.

Batay sa inisyal na imbestigasyon, dakong alas-7:00 ng gabi ay hinarap ng suspek ang isang 45-anyos na lalaki matapos umano nitong kunin ang kanyang kariton nang walang pahintulot.

Sa gitna ng kanilang mainitang pagtatalo ay nagalit ang suspek kung saan binasag ang isang bote ng alak at ginamit itong panaksak sa biktima.

Ilang ulit umano niyang sinaksak ang biktima sa iba’t ibang bahagi ng katawan bago itinapon ang basag na bote sa isang kalapit na estero.

Agad na rumesponde ang mga tanod ng Barangay La Huerta matapos makatanggap ng ulat tungkol sa insidente at naaresto ng mga ito ang suspek at nakipag-ugnayan sa mga rumespondeng pulis mula sa Sto. Niño police Sub-Station.

Isinugod ang biktima sa Ospital ng Parañaque at kalaunan ay inilipat sa Las Piñas General Hospital kung saan patuloy siyang ginagamot at inoobserbahan ng mga doktor.

Kasalukuyang nakapiit sa custodial facility ng Parañaque City police ang suspek habang tinatapos ang mga dokumento at iba pang kinakailangang proseso para sa pagsasampa ng kaso sa Parañaque City Prosecutor’s Office para sa inquest proceedings kaugnay ng kasong frustrated murder.

Pinuri naman ni Southern Police District (SPD) director P/Brig. Gen. Glenn Oliver C. Cinco ang mabilis na pagresponde at maayos na pagtutulungan ng mga tanod ng barangay at mga operatiba ng lokal na pulisya.

Muling tiniyak ni Cinco na patuloy na paiigtingin ng SPD ang mabilis na pagkilos ng pulisya upang mapanagot at maiharap sa hustisya ang mga sangkot sa mararahas na krimen. James I. Catapusan

The post Nanaksak na senior, tiklo sa Parañaque first appeared on Remate Online.

Kinilala ang nasawi na si Master Sergeant Fernando Marfa, 40, na nagpapatrolya sa ilog sa Barangay Luna kasama ang tatlong miyembro ng Bantay-Dagat team.

Bigla na lamang umanong pumasok sa kanilang motorboat ang tubig dahilan upang magtalunan ang mga ito sa ilog.

Dahil sa malakas na current ay tinangay ang dalawa sa mga kasamahan ni Marfa.

Sinubukan niyang lumangoy patungo sa mga ito ngunit maging siya ay tinangay din ng malakas na current at kalaunan ay nalunod.

“Ang dalawa, ti-nry niyang tulungan at siya ay napunta sa area na malakas ang current,” sinabi ni P/Lieutenant Daleen Grace Loreno, Deputy Chief ng Cadiz City Police Station.

Kalaunan ay nakita ang katawan ni Marfa na agad isinugod sa ospital ngunit idineklarang patay.

Ligtas naman ang lahat ng mga kasamahan nito. RNT/JGC

The post Pulis nalunod habang sinasagip mga kasamahan sa NegOcc first appeared on Remate Online.

BULACAN, Philippines – Problemado ngayon ang maraming residenteng nasa mababang lugar sa lalawigang ito dahil sa ilang araw na paglubog ng mga poso negro ng mga palikuran dulot ng baha.

Sa ulat at ayon na rin sa Facebook post ng ilang Bulakenyong residente ng Brgy. Matungao, Bulakan, nitong Linggo,August 9, ilang araw ng hindi magamit ang kanilang palikuran dahil barado ito dulot ng baha.

“Sa ika-apat na pagkakataon, saan po puwede maki-¥@e,” anang isang amang lubog sa baha ang palikuran sa nasabing lugar.

“Wan, tu, tri, kanya-kanyang hagis na lang ng €b@k,” ang Facebook post ng isang binata, subalit agad itong pinayuhan ng kapitbahay na netizen na huwag gawin dahil baka sa kanilang gate pumasok.

May ilang apektadong residente rin sa baha ang napagalamang nagbawas na lamang sa mga bisita (simbahan), mga kakilalang may bahay na hindi binaha at sa mga itinakdang evacution center.

Kaugnay nito, mas lumalim ngayong Lunes ng umaga nang magsalubong muli ang 4.6 feet high tide at buhos ng ulan mula sa pinalakas na Habagat kaya tiyak lubog ang mga poso negro at posibleng humalo ang katas nito sa baha.

Nabatid na bukas ay lulusob bandang 7:48 ng umaga ang nasa 4.9 feet high tide habang gayundin sa Miyerkules at Huwebes ng umaga na ipinagdadasal ng mga residente sa baybayin at mababang lugar na huwag sabayan ng malakas na ulan.

Kaugnay nito, maraming mababang lugar ang mas lubog ngayon sa bayan ng Calumpit, Hagonoy, Paombong, Malolos, Guiguinto, Bulakan, Balagtas, Bocaue, Marilao, Meycauayan, Obando at iba pang bayan na nakitaan na rin ng mga bangka (improvised ba bangka) sa kalsada bilang pangunahing sasakyan.

Sinusulat ito, pinalalahanan ng kinauukulan ang mga residente na kung maari ay huwag lumusong sa baha lalo na kung may sugat upang makaiwas sa Leptospirosis na isang seryosong impeksyon mula sa Leptospira mula sa tubig-baha na may ihi ng daga at iba pang hayop. (Dick Mirasol III)

The post Katas, dumi ng tao, hayop humahalo sa tubig baha first appeared on Remate Online.

Nagsasagawa ng Anti-Criminality Operation ‘Oplan Galugad’ ang mga operatiba ng Valenzuela Police Sub-Station 1 nang maaktuhan nila ang tatlong individuals na nagsusugal umano ng ‘lucky 9’ sa M. Gregorio St., Bypass Road, Brgy., Canumay West dakong alas-8:30 ng gabi.

Nakumpiska sa kanila ang bet money, baraha at isang plastic sachet na naglalaman ng hinihinalang shabu na nakuha umano sa construction worker na si alyas “Bonjing”, 57.

Nauna rito, alas-6 ng gabi nang maaresto naman ng mga operatiba ng Police Sub-Station 7 si alyas “Atan”, 55, makaraang maaktuhan na sumisinghot umano ng shabu sa loob ng isang Unit ng Disiplina Village sa Brgy., Bignay.

Pinosasan naman ng mga operatiba ng Police Sub-Station 2 si alyas “Jomar”, 32, nang maaktuhan na sumisinghot din umano ng shabu sa tabi ng isang bahay sa B. Lower Tibagan, Brgy., Gen. T De Leon pasado alas-8:30 ng gabi.

Nakumpiska sa kanila ang dalawang nakabukas na plastic sachets na may bahid ng umano’y shabu at ilang drug paraphernalias.

Nahaharap ang mga suspek sa kasong paglabag sa R.A 9165 o ang Comprehensive Dangerous Drug Act of 2002 habang karagdagan pa na kasong illegal na pagsusugal ang kakaharapin ni ‘Bonjing’. (Merly Duero)

The post 3 personalidad na sangkot sa droga, arestado sa Valenzuela first appeared on Remate Online.

Sa ulat, nakatanggap ng impormasyon ang mga tauhan ni Northern Police District (NPD) Acting Director P/BGen. Benliner Capili hinggil sa kinaroroonan ng akusado na residente ng Brgy., 11 ng lungsod.

Sa koordinasyon sa District Women and Children Protection Desk (DWCPD), kaagad nagkasa ang mga operatiba ng District Anti-Carnapping Unit (NPD-DACU) hanggang masukol ang akusado sa Brgy., 14 ng lungsod.

Isinilbi ng pulisya sa akusado ang arrest warrant na inisyu ng Regional Trial Court, Branch 232, Caloocan City, para sa kasong Rape under Article 266-A, Paragraphs 1 and 2 of the Revised Penal Code na walang inirekomendang piyansa para sa kanyang pansamantalang paglaya.

Pansamantalang nakapiit ang akusado sa Custodial Facility Unit ng NPD-DACU habang hinihintay ang utos ng hukuman para sa paglilipat sa kanya sa Caloocan City Jail.

Ayon kay BGen. Capili, ang operasyon ay bahagi ng pinaigting na kampanya ng NPD laban sa mga wanted na indibidwal at sa patuloy na pagsusulong ng kapayapaan, kaayusan at hustisya sa buong lugar ng CaMaNaVa. (Merly Duero)

The post Estudyanteng may kasong Rape, tiklo sa Caloocan first appeared on Remate Online.

Nadiskubre ng mga awtoridad ang mga kontrabando matapos isailalim sa X-Ray Inspection at sa tulong ng K9 Sniff test (Dog), kung saan nagpositibo at agad isinalang sa physical examination.

Sa ekminasyon, tumambad ang 17 plastic packages ng suspected shabu na isikniksik umano sa mga spareparts (2 Pistons & 1 Tensioner Kit) ng sasakyan.

Nakuha sa kargamento ang nasa 1,706 grams ng suspected shabu na may standard drug price na higit  P11.6 Milyon.

Dumating ang shipment mula sa South Africa patungo ng Angeles City, Pampanga.

Nag-issue ang BoC ng Warrant of Seizure and Detention laban kargamento dahil sa paglabag sa Customs Modernization and Tariff Act na may kaugnayan sa Dangerous Drug Law. (ROEL TARAYAO)

The post Tobats isiniksik sa car parts, nasabat ng BOC first appeared on Remate Online.

Sa kanyang inihain na resolusyon sa Kamara, nais ni Quimbo na alamin kung bakit hindi umano gumana ang dalawang pumping station at kung may pananagutan ang kontratista at operator na J.D. Legaspi Construction.

Ayon kay Quimbo, itinayo ng DPWH-Unified Project Management Office (DPWH-UPMO) ang mga pumping station upang makatulong sa pagkontrol ng baha sa Tumana at mga kalapit na lugar.

Sinabi niyang iniulat ng mga residente noong Linggo na hindi gumagana ang dalawang pumping station habang patuloy na tumataas ang tubig-baha.

Sa isinagawang inspeksyon, lumitaw umano na hindi umaandar at walang bantay ang mga pasilidad, at wala ring tauhan ng kontratista sa lugar.

Samantala, sinabi ni Marikina Mayor Maan Teodoro na nagpadala ang DPWH ng technician at mobile pumps upang alisin ang tubig-baha sa Tumana at Malanday.

Ayon kay Teodoro, hindi pa naipapasa sa pamahalaang lungsod ang dalawang pumping station, kaya wala siyang impormasyon tungkol sa kontratista. Dagdag niya, lahat ng pumping stations na na-turn over na sa lungsod ay maayos na namementina at gumagana nang maayos.

Pagsapit ng Lunes ng umaga, unti-unti nang humuhupa ang baha sa Tumana at Malanday.

Daan-daang residente ng Marikina ang lumikas noong weekend matapos magpatupad ang lokal na pamahalaan ng preemptive evacuation dahil sa pagtaas ng tubig sa Ilog Marikina. RNT/MDS

The post 2 ‘di gumaganang pumping station sa Marikina, iimbestigahan first appeared on Remate Online.

Ayon sa pulisya, nakaupo ang suspek na si alyas “Piang” sa unahan ng jeep nang bumunot siya ng baril matapos siyang singilin ng pamasahe bandang 5:00 p.m.

Agad siyang sinuntok ng driver at mabilis na pinatakbo ang jeep papunta sa checkpoint ng Philippine Marines upang humingi ng tulong.

Tatlong Marino ang nag-utos sa suspek na isuko ang kanyang baril at bumaba ng sasakyan. Sumunod naman siya at agad na inaresto at ipinasa sa pulisya.

Nang siyasatin, lumabas na ang baril ay isang toy gun lamang.

Inamin ni Piang na tinakot lamang niya ang driver dahil wala siyang pambayad ng pamasahe.

Hindi na nagsampa ng kaso ang jeepney driver kaya pinalaya rin ang suspek. Hindi rin siya kinasuhan sa paglabag sa election gun ban sa Bangsamoro dahil **laruang baril lamang ang kanyang dala. RNT/MDS

The post Kelot arestado sa pananakot gamit laruang baril sa Maguindanao del Norte first appeared on Remate Online.

Bandang 3:30 p.m., isang babaeng nasa hustong gulang ang narekober din sa lugar, ngunit wala pang inilalabas na detalye tungkol sa kanyang kalagayan.

Dahil dito, umakyat na sa lima ang bilang ng mga nasawi mula sa 13 kataong nasa loob ng tatlong bahay na natabunan ng malaking landslide na naganap bandang 7:00 p.m. noong Linggo.

May lima pang nawawala, kabilang umano ang isa pang bata.

Samantala, tatlong katao ang nailigtas—isang 27-anyos na lalaki, isang 27-anyos na babae, at isang 77-anyos na lalaki—at dinala sila sa ospital.

Patuloy ang search, rescue, at retrieval operations sa lugar, habang nagpalit ng duty ang mga response team upang ipagpatuloy ang paglilinis sa ground zero.

Nagtayo rin ng Incident Command Post sa lugar at personal na binabantayan ni Baguio City Mayor Benjamin Magalong ang operasyon. Tumulong din ang mga volunteer group sa pagbibigay ng tubig at iba pang suporta sa mga rescuer. RNT/MDS

The post 2-anyos narekober sa landslide sa Baguio; bilang ng nasawi, sumirit sa 5 first appeared on Remate Online.