MANILA, Philippines – Nagpakitang gilas ang mga panabong ni Ka Rex Cayanong upang magtala ng malinis na limang panalo sa pre-finals, sapat upang makuha ang first runner-up sa 2024 Master Breeders Cup 11-Stag National Derby Early Bird Edition na binitawan sa ruweda ng Manila Arena sa Sta. Ana noong Agosto 30.
Nakitaan ng mahusay na syapol sa five Stag pre-finals ang mga manok ng entry name na Sabong On Air/Team Malasakit, ka-combine ni sabong sensation Cayanong si Jeffrey Benadidez at umiskor sila ng 10 points habang 10.5 ang nag champion.
May format na 3-3-5 eliminations,semifinals at pre-finals sa event na may P27.760M guaranteed prize kung saan napunta sa champion ang P13M habang P1.3M sharing sa first runner-up.
Dalawang puntos ang iniskor nina Cayanong at Benavidez sa elims, natalo ang kanilang second fight pero gumapang sa semifinals at pre-finals matapos magtala ng perfect three at five points ayon sa pagkakasunod.
Hinangaan ng mga nakasaksing sabungero sa ipinakitang husay ng warrior ni Cayanong sa last fight niya sa semis kung saan ay tinalo niya ang entry na Baby G/Blue Stone Dec.1 5-Stag Darasa.
Bulik ang ginamit ni Cayanong, nakatama sa ibabaw ang manok nito sa pangalawang lipad kaya naman sumadsad agad ang kalaban nito at saka minasahe ng pupog.
Dahil naka limang puntos sa pre-finals ay naka day champion ang tambalang Cayanong at Jeffrey Benavides.
Dalawa ang nakapagtala ng 10.5 points at ang nagkampeon sa nasabing Big Time derby ay ang Ako Bisaya 2025/DOMZ152 na pag-aari ni Sonny Lagon at Helbert Casas ng 2HG The Storm Breaker.
Samantala, inaabangan naman ang palaban ni Cayanong na “Ka Rex B-Day 1.5M 6-Stag National Invitational Derby na gaganapin sa Pasay Cockpit Arena sa Nobyembre 5.ED
