MANILA, Philippines- Nahirapang lumapag ang Cessna 152 plane sa Plaridel Airport sa Bulacan bago sumalpok sa isang residential property nitong Sabado, ayon sa Civil Aviation Authority of the Philippines (CAAP).
Sakay ng eroplano ang piloto at student pilot.
”The aircraft attempted to initiate a missed approach but was unable to do so due to insufficient airspeed. Eventually, it surpassed the end of runway 35 and subsequently collided with both the perimeter fence and a nearby residential property,” pahayag ng CAAP, idinagdag na naganap ang insidente bandang ala-1:50 ng hapon.
Nagtamo ng sugat ang isa sa mga piloto, habang ligtas naman ang isa pa.
Wala ring tao sa loob ng apektadong bahay nang maganap ang insidente.
“CAAP’s Licensing and Certification Department (LCD) and Aircraft Accident Investigation and Inquiry Board (AAIIB) will conduct separate investigations of the incident,” ayon pa sa pahayag.
Naganap ang parehong insidente noong Pebrero nang bumulusok ang Cessna 152 plane sa training flight sa isang parang sa Malolos, Bulacan, matapos lumipad mula Plaridel.
Nakaranas umano angaircraft ng engine failure patungo sa Subic, Zambales.
