Home NATIONWIDE Chavit nag-alok ng P100K reward sa enforcer sa paghuli sa convoy na...

Chavit nag-alok ng P100K reward sa enforcer sa paghuli sa convoy na pumasok sa EDSA busway

MANILA, Philippines – Nag-alok ng P100,000 pabuya si dating Ilocos Sur Gov. Luis “Chavit” sa traffic enforcer ng MMDA na humuli sa convoy niya matapos na dumaan sa EDSA busway nitong Lunes, Abril 8.

“Humihingi ako ng paumanhin sa MMDA,” sinabi ni Singson sa panayam ng GMA News.

Nag-alok si Singson ng pabuya sa team na humuli sa kanilang convoy.

“Pinapahanap ko na si (MMDA) Chairman Roman Artes. Magpapadala ako ng P100,000 premyo sa mga nanghuli para ma-encourage sila na manghuli,” ani Singson.

“Wala dapat above the law,” dagdag pa niya.

Matatandaan na nahuli at pinagmulta ang convoy ni Singson matapos na dumaan sa EDSA busway.

“Wala namang harang eh, nag-overtake lang sa bus lane, pero ganoon pa man hindi dapat gayahin; mali yun,” paliwanag ni Singson.

Inisyuhan ng ticket ang mga drayber ng convoy dahil sa paglabag sa kautusan. RNT/JGC