Manila, Philippines – May kasabihan nga na sa mundong ito, there are no permanent friends or enemies, only interests.
Sa kaso kasi nina Manny Pacquiao at dating Ilocos Sur Governor, ninanamnam nila ngayon ang kanilang rekindled friendship.
Ani Luis Chavit Singson, ganoon naman daw talaga ang mga magkakaibigan.
At one point, may mga irrecocilable differences sila pero ultimately they end up being friends again.
Natural din daw sa kanila ni Manny ang mag-usap tungkol sa mga inihahanda nitong plano.
These include both boxing na larangang nagpasikat sa Pambansang Kamao at pulitika.
On boxing, inamin ni Chavit na hinihingi raw ng pagkakataon na muling sumabak sa boxing ring si Pacman.
Makahulugan niyang sabi: “Kailangan, eh…naubos, eh!”
Ang ibig ipahiwatig ng dating pulitiko at ngayo’y negosyante, nasaid daw ang kabang-yaman ni Manny nang tumakbong Pangulo noong isang taon.
At sa pamamagitan ng boksing will Manny be able to bounce back financially.
Sa tanong kung sino ang malamang na makakalaban ni Pacman in his next fight, sinabi ni Chavit na dapat ay kaedaran nito.
Hindi raw uubra ‘yung tulad ng huling laban ni Manny where he was pitted against a younger boxer.
“Malamang matuloy na sila ni Floyd Mayweather,” ani Chavit.
On the political front ay nakahanda raw si Chavit na suportahan si Pacman.
For President again?
Aniya: “Hindi…bilang Senador, susuportahan ko siya!”
Si Chavit ba’y may balak yakaping muli ang buhay-pulitika?
“Ayoko na! Magulo! Pag nasa pulitika ka, you’re there to serve and not to be served. Pag hindi ka naman naglingkod, mapipintasan ka ng tao,” paliwanag ng negosyanteng maraming business prospects para sa Korean superstar Lee-Geungg-See who recently flew in sa bansa lulan ang kanyang private plane. Ronnie Carrasco III
